طعم الصبح
شباك الالومنتال ... أبو سلك شبه مش موجود و نور الصبح داخل زى العسليه و النعمه ما فاكر كان عندى كام سنه , و فرع الشجرة اللى داخل لنص الصاله ,الشجرة اللى الاساطير العائليه بتقول ان جدك حبهان و ستك فلاناه زرعوها من كام سنه و الحقيقه انه مجرد شجرة عديه جدا أكتسبت رونقا بسسب أختى الوسطنية , المهم صوت العاصفير و ريحه الحيطه الدهاره مع ريحه الورق بتاع الشجره ايها ,كل ده بيشكل ريحه الصبح فى الصيف , اما الشتاء , فكان بارد ملوش ريحه ,صباحوا فيها ريحة قلق و حيرة و ترتيب, الا يوم الجمعة اللى ريحته كانت عبارة عن ريحه الرطوبه مخلوطة بريحه فلافل العمدة اللى ضاربه من اول الحارة و ريحه البكبورت اللى ضارب طول السنه الا أن الريحه بتضرب يوم الجمعه بسبب كتر الحماه يوم الخميس و صوت أخواتى و هما بيتوشوشوا , المهم انا بقالى زمن مشمتش للصبح ريحه من فترة لفترة لما اكون مسافر اشمها ,مش عارف بقى العيب فيا و لا العيب فى الصبح
شباك الالومنتال ... أبو سلك شبه مش موجود و نور الصبح داخل زى العسليه و النعمه ما فاكر كان عندى كام سنه , و فرع الشجرة اللى داخل لنص الصاله ,الشجرة اللى الاساطير العائليه بتقول ان جدك حبهان و ستك فلاناه زرعوها من كام سنه و الحقيقه انه مجرد شجرة عديه جدا أكتسبت رونقا بسسب أختى الوسطنية , المهم صوت العاصفير و ريحه الحيطه الدهاره مع ريحه الورق بتاع الشجره ايها ,كل ده بيشكل ريحه الصبح فى الصيف , اما الشتاء , فكان بارد ملوش ريحه ,صباحوا فيها ريحة قلق و حيرة و ترتيب, الا يوم الجمعة اللى ريحته كانت عبارة عن ريحه الرطوبه مخلوطة بريحه فلافل العمدة اللى ضاربه من اول الحارة و ريحه البكبورت اللى ضارب طول السنه الا أن الريحه بتضرب يوم الجمعه بسبب كتر الحماه يوم الخميس و صوت أخواتى و هما بيتوشوشوا , المهم انا بقالى زمن مشمتش للصبح ريحه من فترة لفترة لما اكون مسافر اشمها ,مش عارف بقى العيب فيا و لا العيب فى الصبح 
ليست هناك تعليقات:
إرسال تعليق